Búgin elimizdiń batys óńirlerinde kún qatty ysıdy - Qazgıdromet
ASTANA. QazAqparat - 27 mamyr kúni Qazaqstan aýmaǵynyń basym bóliginde aýa raıy jaýyn-shashynsyz bolady, tek respýblıkanyń soltústik, soltústik-batys jáne shyǵys bólikteriniń keı jerlerde naızaǵaı oınap, jańbyr jaýady, ońtústik bóliginde ekpindi jel turady, dep habarlaıdy «Qazgıdromet» RMK.
Túnde elimizdiń soltústik bóliginiń keı jerlerinde tuman túsedi.
Kúndiz Mańǵystaý, Atyraý, Ońtústik Qazaqstan, Shyǵys Qazaqstan oblystarynyń keı jerlerinde jeldiń ekpini 15-20 m/s deıin kúsheıýi kútiledi. Túnde Qostanaı, Soltústik Qazaqstan, Qaraǵandy oblystarynyń keı jerlerinde tuman bolady. Kúndiz Atyraý, Batys Qazaqstan oblystarynyń keı jerlerinde qatty ystyq saqtalady.
