Búgin elimizdiń batys óńirinde kún ystyq bolsa, shyǵysynda burshaq jaýady - Qazgıdromet
ASTANA. QazAqparat - Respýblıkamyzdyń basym bóliginde aýa raıynyń turaqsyzdyǵy saqtalady, birqatar jerlerde jańbyr jaýady, dep habarlaıdy «Qazgıdrometke» silteme jasap QR TJM baspasóz qyzmeti.
Keıbir aımaqtarda jel kúsheıýi múmkin, burshaq jaýyp, tuman túsedi.
Almaty, Ońtústik Qazaqstan, Qostanaı, Qaraǵandy, kúndiz Jambyl, Batys Qazaqstan oblystarynda jeldiń kúshi 18-23 m/s-qa deıin barady. Soltústik Qazaqstan men Aqmola oblysynda da ekpini 15-20 m/s jel soǵyp, tuman túsedi.
Shyǵys Qazaqstan oblysynyń keı jerlerinde ekpini 17-22 m/s bolatyn jel soǵyp, burshaq jaýady. Al Atyraý, Batys Qazaqstannyń keı jerlerinde jáne Aqtóbe oblysynda qatty ystyq bolady.
