Búgin elimizdiń basym bóliginde jeldiń ekpini kúsheıip, boran soǵady - Qazgıdromet
ASTANA. QazAqparat - Qazaqstannyń basym bóliginde aýa aǵyndarynyń ótýine baılanysty jaýyndy-shashyndy bolyp, qar jaýady, eldiń ońtústigi men ońtústik-shyǵysynda tuman túsip, kóktaıǵaq bolady, jeldiń ekpini kúsheıip, boran soǵady, dep habarlaıdy Qazgıdromet.
Tek eldiń ońtústik-batysy men soltústiginde ǵana kún ashyq bolady. Aqmola oblysynda keı jerlerinde boran soǵyp, túnde jekelegen aýdandarynda jeldiń ekpini 15-20 m/s jetedi. Shyǵys Qazaqstan, kúndiz Batys Qazaqstan oblystarynda 15-20 m/s jel soǵyp, boran bolady. Qostanaı oblysynda túnde keı jerlerinde tuman túsedi. Pavlodar oblysynda boran soǵyp, túnde óńirdiń basym bóliginde jeldiń kúshi 17-22, keı tustarda 27 m/s deıin jetedi, kúndiz 15-20 m/s bolady. Qaraǵandy oblysynyń keı jerlerinde tuman túsip, 17-22 m/s jel soǵady, boran bolady. Almaty, Jambyl, Ońtústik Qazaqstan oblystarynda keı jerlerinde tuman túsip, kóktaıǵaq bolady, 17-22 m/s jel soǵady. Mańǵystaý, Qyzylorda oblystarynda keı jerlerinde tuman túsip, kóktaıǵaq bolady, túnde Qyzylorda oblysynyń jekelegen aýdandarynda jeldiń ekpini 15-20 m/s deıin kúsheıedi.
