Búgin elimizdiń basym bóliginde jel kúsheıip, kóktaıǵaq bolady, keı jerlerde tuman túsedi
ASTANA. QazAqparat - Búgin Qazaqstannyń basym bóliginde atmosferalyq fronttardyń ótýine baılanysty keı jerlerde qar aralas jaýyn jaýyp, burqasyn, tuman, kóktaıǵaq bolady, jeldiń kúsheıýi kútiledi. Tek respýblıkanyń batysynda aýa raıy jaýyn-shashynsyz.
Bul týraly QR ІІM TJK baspasóz qyzmeti habarlady.
Shyǵys Qazaqstan oblysynda jeldiń jyldamdyǵy 17-22 m/s, túnde 26 m/s bolady.
Pavlodar oblysynyń keı jerlerinde burqasyn, kóktaıǵaq, jeldiń jyldamdyǵy 17-22 m/s bolmaq.
Qostanaı, Soltústik Qazaqstan oblystarynyń keı jerlerinde burqasyn, tuman, kóktaıǵaq olyp, jeldiń ekpini 15-20 m/s-ǵa deıin kúsheıýi kútiledi.
Aqmola oblysynyń keı jerlerinde tuman, kóktaıǵaq bolyp, jeldiń jyldamdyǵy 15-20 m/s bolady.
Qaraǵandy oblysynyń keı jerlerinde burqasyn bolyp, jeldiń jyldamdyǵy 15-20 m/s bolady dep kútiledi.
Almaty, Jambyl, Ońtústik Qazaqstan, Qyzylorda oblystarynyń keı jerlerinde tuman kútilip, jel soǵady, kúshi 15-22 m/s.
Aqtóbe oblysynyń keı jerlerinde jel 18 m/s-ǵa deıin kúsheıedi.
Mańǵystaý, Atyraý oblystarynyń keı jerlerinde tuman kútiledi.
