Búgin elimizdiń basym bóliginde jel kúsheıip, keı óńirlerde qatty ystyq kútiledi - Qazgıdromet
ASTANA. QazAqparat - 22 shilde kúni Qazaqstan aımaqtarynyń basym bóliginde turaqsyz aýa raıy saqtalady, keı jerlerde ótkinshi jańbyr jaýyp, naızaǵaı bolady, jel kúsheıedi, tek respýblıkanyń ońtústiginde jaýyn-shashynsyz, dep habarlaıdy «Qazgıdromet» RMK.
Aqmola, Batys Qazaqstan, Qostanaı, Qaraǵandy, Shyǵys Qazaqstan, túnde jáne tańerteń Jambyl, kúndiz Aqtóbe, Pavlodar oblystarynyń keı jerlerinde jel 15-20 m/s kúsheıedi. Almaty oblysynyń keı jerlerinde shańdy daýylmen jel 17-22 m/s kúsheıedi.
Soltústik Qazaqstan oblysynyń keı jerlerinde jel 15-20 m/s kúsheıedi, túnde jáne tańerteń tuman bolady. Kúndiz Almaty, Aqtóbe oblystarynyń keı jerlerinde óte qatty ystyq kútiledi. Qyzylorda, Qaraǵandy, Jambyl, Almaty oblystarynyń kóptegen aımaqtarynda, Batys Qazaqstan, Aqtóbe, Qaraǵandy, Shyǵys Qazaqstan oblystarynyń keı jerlerinde óte joǵary órt qaýpi saqtalady.
