Búgin elimizdiń basym bóliginde jel kúsheıip, burshaq jaýady - Qazgıdromet
ASTANA. QazAqparat - Qazaqstan aýmaǵynyń basym bóliginde atmosferalyq frontaldy aǵyndardyń ótýine baılanysty turaqsyz aýa raıy saqtalady, keı jerlerde jańbyr jaýyp, naızaǵaı bolady, jel kúsheıip, keı jerlerde burshaq jaýýy yqtımal, respýblıkanyń batysy men ońtústiginde ǵana aýa raıy ashyq bolady, dep habarlady «Qazgıdromet» RMK.
Aqmola, Almaty, Soltústik Qazaqstan oblystarynyń keı jerlerinde kún kúrkirep, jel 15-23, uıtqýy 25 m/s-qa kúsheıedi, burshaq jaýýy yqtımal. Jambyl, Qostanaı, Qaraǵandy, Shyǵys Qazaqstan oblystarynda keı jerlerinde kún kúrkirep, jel 15-22 m/s deıin kúsheıedi. Ońtústik Qazaqstan oblysynyń keı jerlerinde jeldiń 15-20 m/s-qa deıin kúsheıýi kútiledi. Pavlodar oblysynda keı óńirlerinde jel 17-22, keı jerlerde 26 m/s-qa deıin kúsheıip, naızaǵaı oınaıdy.
Atyraý, Batys Qazaqstan, Aqtóbe, Qaraǵandy, Qyzylorda, Ońtústik Qazaqstan, Jambyl, Almaty oblystarynyń keı jerlerinde óte joǵary órt qaýipi saqtalady.
