Búgin elimizdiń basym bóliginde jaýyn jaýady

ASTANA. QazAqparat – «Qazgıdromet» RMK-sy maýsymnyń 27-si kúngi kún raıy boljamyn jarııalady, dep habarlaıdy QazAqparat.

QR-nyń barlyq aýmaǵy atmosferalyq frontaldy bólikterdiń yqpalynda bolǵandyqtan, jańbyr jaýýy múmkin. Elimizdiń soltústiginde, túnde jáne tańerten soltústk-batysynda naızaǵaı oınap, qatty jańbyr jaýady.

Tek respýblıkamyzdyń batysynda, ońtústiginde kún jaýyn-shashynsyz bolady. Respýblıkamyzdyń basym bóliginde jel kúsheıáp, soltústikte, soltústik-batysta, ortalyqta burshaq jaýady, daýyl turady.

Túrkistan, Mańǵystaý, Jambyl oblystarynyń basym bóliginde, Qyzylorda oblysynyń batysy men shyǵysynda, Aqtóbe, Qaraǵandy, Ulytaý oblystarynyń ońtústiginde, Atyraý oblysynyń ońtústiginde, shyǵysynda tótenshe órt qaýipi saqtalady, Qostanaı oblysynyń ońtústiginde tótenshe órt qaýipi kútiledi.

Jetisý oblysynyń basym bóliginde, Batys Qazaqstan oblysynyń ońtústik-shyǵysynda, Qyzylorda oblysynyń ortalyǵynda joǵary órt qaýipi saqtalady.