Búgin elimizdiń basym bóliginde jańbyr jaýady - Qazgıdromet
ASTANA. QazAqparat - 9 tamyzda Qazaqstannyń kóptegen bólikterinde atmosferalyq frontaldy aýa bólikteriniń ótýine baılanysty turaqsyz aýa raıy saqtalady, jańbyr jaýyp, naızaǵaı bolady.
Respýblıkanyń ońtústiginde jáne ońtústik batysynda aýa raıy jaýyn-shashynsyz, dep habarlaıdy «Qazgıdromet» RMK.
Keı jerlerde jel kúsheıedi, respýblıkanyń ońtústiginde jel shańdy daýylmen bolady. Qostanaı, Pavlodar, Qaraǵandy oblystarynda, túnde Shyǵys Qazaqstan, kúndiz Jambyl, Ońtústik Qazaqstan, Batys Qazaqstan, Aqtóbe, Aqmola oblystarynyń keı jerlerinde jel 15-20 m/s kúsheıedi, Ońtústik Qazaqstan oblysynda shańdy daýyl bolady. Atyraý, Aqtóbe, Qyzylorda, Ońtústik Qazaqstan, Jambyl oblystarynyń basym bóliginde, Qaraǵandy, Almaty, Batys Qazaqstan, Qostanaı, Shyǵys Qazaqstan oblystarynyń keı jerlerinde óte joǵary órt qaýpi saqtalady.
