Búgin elimizdiń basym bóliginde turaqsyz aýa raıy saqtalady - Qazgıdromet
ASTANA. QazAqparat - 21 shildede Qazaqstan terrıtorııasynyń basym bóliginde turaqsyz aýa raıy saqtalady, keı jerlerde ótkinshi jańbyr jaýyp, naızaǵaı bolady, jel kúsheıedi, tek respýblıkanyń batys, ońtústik-batys jáne shyǵys aýdandarynda jaýyn-shashynsyz aýa raıy bolady, dep habarlaıdy «Qazgıdromet» RMK.
Aqmola, Qyzylorda, Jambyl, Ońtústik Qazaqstan, Batys Qazaqstan, kúndiz Almaty, Qostanaı, Qaraǵandy oblystarynyń keı jerlerinde jeldiń ekpini 15-20 m/s kúsheıedi, Qyzylorda, Almaty oblystarynda shańdy daýyl turady. Soltústik Qazaqstan oblysynyń keı jerlerinde túnde jáne tańerteń tuman baqylanady.
Kúndiz Almaty, Jambyl, Qaraǵandy, Shyǵys Qazaqstan oblystarynyń basym bóliginde, Batys Qazaqstan, Qostanaı, Pavlodar oblystarynyń keı jerlerinde qatty ystyq saqtalady. Aqtóbe, Qyzylorda, Ońtústik Qazaqstan, Jambyl, Almaty oblystarynyń basym bóliginde, Batys Qazaqstan, Qaraǵandy, Shyǵys Qazaqstan oblystarynyń keı jerlerinde óte joǵary órt qaýipi saqtalady.
