Búgin elimizdiń basym bóliginde tuman túsedi, keı jerlerde kóktaıǵaq bolady
ASTANA. QazAqparat - Búgin Qazaqstannyń basym bóliginde atmosferalyq fronttardyń ótýine baılanysty keı jerlerde qar aralas jańbyr jaýyp, burqasyn soǵady, tuman, kóktaıǵaq bolyp, jel kúsheıedi. Tek Respýblıkanyń batysynda jáne ońtústik-shyǵysynda aýa raıy jaýyn-shashynsyz bolady.
Bul týraly QR ІІM TJK baspasóz qyzmeti habarlady.
Jambyl, Qyzylorda, Atyraý, Batys Qazaqstan, Shyǵys Qazaqstan oblystarynda, túnde jáne tańerten Soltústik Qazaqstan, Qostanaı oblystarynyń keı jerlerinde tuman kútiledi.
Qaraǵandy oblysynyń keı jerlerinde burqasyn turyp, jeldiń jyldamdyǵy 15-20 m/s-ǵa deıin kúsheıedi.
Pavlodar oblysynyń keı jerlerinde kóktaıǵaq kútiledi.
Almaty oblysynyń Jalańashkól aýdanynda jel 17-22 m/s-ǵa deıin kúsheıedi.
