Búgin elimizdiń basym bóliginde naızaǵaı oınap, jańbyr jaýady
Atmosferalyq frontaldy bólimderdiń ótýimen elimizdiń basym bóliginde naızaǵaı oınap, jańbyr jaýady dep kútilýde. Respýblıka boıynsha jeldiń kúsheıýi, ońtústik-batysta, ońtústik-shyǵysta shańdy daýylmen, kúndiz soltústik-batysta, soltústikte, ortalyqta - burshaq, túnde jáne tańerteń soltústikte tuman bolady dep kútilýde.
«Almaty, Atyraý, Batys Qazaqstan, Aqtóbe, Soltústik Qazaqstan, Jetisý oblystarynyń basym bóliginde, Mańǵystaý oblysynyń ońtústiginde qatty ystyq kútiledi.
Túrkistan, Qyzylorda, Mańǵystaý, Jambyl oblystarynyń basym bóliginde, Aqtóbe, Qaraǵandy, Qostanaı, Almaty, Ulytaý oblystarynyń ońtústiginde, Jetisý oblysynyń soltústik-batysynda, Atyraý oblysynyń batysynda, Pavlodar oblysynyń soltústiginde, batysynda tótenshe órt qaýpi saqtalady.
Almaty, Soltústik Qazaqstan, Jetisý oblystarynyń basym bóliginde, Batys Qazaqstan oblysynyń ońtústik-batysynda, Abaı oblysynyń soltústik-batysynda, ońtústiginde joǵary órt qaýpi saqtalady», - dep jazdy sınoptıkter.
