Búgin elimizdiń basym bóliginde naızaǵaı oınap, jańbyr jaýady
ASTANA. QazAqparat - 16 tamyz kúni Qazaqstannyń basym bóliginde naızaǵaı oınap, jańbyr jaýady, keı jerlerde jel kúsheıedi.
«Qazgıdromet» RMK habarlaýynsha, elimizdiń ońtústigi men batysynda ǵana jaýyn-shashynsyz aýa raıy saqtalady.
Aqmola, Soltústik Qazaqstan, tańerteń jáne kúndiz Qostanaı oblysynda 15-20 m/s-qa jel kúsheıedi. Túnde jáne tańerteń tuman túsedi.
Pavlodar oblysynyń keı jerlerinde jeldiń ekpini 17-22 m/s-qa baryp, burshaq jaýýy yqtımal. Shyǵys Qazaqstan oblysynda da kúndiz jeldiń kúshi 15-20 m/s-qa deıin barady, burshaq jaýýy múmkin, túnde jáne tańerteń tuman túsedi dep kútilýde.
Almaty, Qaraǵandy oblystarynyń birqatar jerlerinde ekpini 15-20 m/s bolatyn jel soǵady dep kútilýde. Kúndiz Mańǵystaý, Batys Qazaqstan, Aqtóbe oblystarynda qatty ystyq bolady.
