Búgin elimizdiń basym bóliginde kún kúrkirep, jańbyr jaýady - Qazgıdromet
ASTANA. QazAqparat - Búgin elimizdiń basym bóliginen atmosferalyq aýa aǵymynyń ótýine baılanysty keı jerlerde kún kúrkirep, jańbyr jaýady, tipti, burshaq jaýýy múmkin. Jel kúsheıe túsedi. Tek batys óńirlerde ǵana kún ashyq bolady, dep habarlaıdy Qazgıdromet.
Atap aıtqanda, Aqmola, Jambyl, Qyzylorda, Shyǵys Qazaqstan oblystarynda, kúndiz Almaty oblysynda jeldiń ekpini 15-20 m/s deıin jetedi. Pavlodar oblysynda ol 18 m/s bolady. Qostanaı oblysynda túnde keı aımaqtarynda tuman túsedi, kúndiz jel 18-20 m/s deıin kúsheıedi. Soltústik Qazaqstan oblysynda 15-20 m/s jel soǵyp, túnde jáne tańerteń kún tumandy bolady. Túnde Qostanaı, Soltústik Qazaqstan oblystarynda 0-3 gradýsqa deıin sýytady. Atyraý oblysynda kúndiz kún qatty ysıdy. Batys, soltústik-batys, ońtústik, ońtústik-shyǵys óńirlerde jáne respýblıkanyń ortalyq bólikterinde joǵary órt qaýpi saqtalady.
