Búgin elimizdiń basym bóliginde kóktaıǵaq, tuman jáne burqasyn bolady
ASTANA. QazAqparat - Búgin Qazaqstannyń basym bóliginde aýa raıy turaqsyz. Keı jerlerde qar jaýyp, burqasyndatady. Sondaı-aq kóktaıǵaq bolady, ońtústik-batysta, ońtústikte qar jaýmaıdy. Degenmen, munda tuman túsýi yqtımal, dep habarlaıdy QazAqparat.
«Qazgıdromet» RMK aqparattaryna súıenetin bolsaq, Aqmola, Soltústik Qazaqstan oblystarynyń eı jerlerinde tuman túsip, kóktaıǵaq bolyp, burqasyndatady. Soltústik Qazaqstan oblysynda sonymen qatar 15-20 metr/sekýnd jyldamdyqpen jel soǵady. Qostanaı oblysynyń keı jerlerine tuman tuman túsip, kóktaıǵaq bolady. Qaraǵandy oblysynyń da keı jerlerinde tuman, kóktaıǵaq. Jeldiń kúshi sekýndyna 15-20 metrge deıin jetedi.
Almaty, Jambyl oblystarynyń birqatar aımaqtarynda tuman túsip, tań ata jáne kúndiz 15-20 metr/sekýnd jyldamdyqpen jel soǵady. Mańǵystaý oblysynda tuman túsedi, túnde jeldiń kúshi 15-20 metr/sekýndqa jetedi. Qyzylorda, Atyraý, Batys Qazaqstan oblystarynyń keı aımaqtaryna tuman túsedi. Shyǵys Qazaqstan oblysynda kóktaıǵaq bolyp, jeldiń kúshi 15-20 metr/sekýnd bolady.
