Búgin elimizdiń basym bóliginde kóktaıǵaq bolyp, jel kúsheıedi - Qazgıdromet
ASTANA. QazAqparat - 7 sáýir kúni respýblıkanyń basym bóliginde atmosferalyq fronttardyń ótýine baılanysty jaýyn-shashyn, tuman, kóktaıǵaq bolady, jel kúsheıedi.
Eldiń batysynda jáne shyǵysynda jaýyn-shashynsyz aýa raıy saqtalyp, keı jerlerde tuman kútiledi, dep habarlaıdy «Qazgıdromet». Atyraý, Shyǵys Qazaqstan oblystarynyń keı jerlerinde tuman kútiledi. Aqmola, Ońtústik Qazaqstan oblystarynyń, kúndiz Almaty oblysynyń keı jerelerinde jel 15-20 m/s kúsheıedi. Qaraǵandy oblysynda keı jerlerinde tuman, kóktaıǵaq bolady. Qostanaı oblysynda keı jerlerinde kóktaıǵaq bolady, jeldiń ekpini 15-20 m/s kúsheıedi. Soltústik Qazaqstan oblysynyń keı jerlerinde tuman túsedi, kóktaıǵaq bolady, jel 15-20 m/s deıin kúsheıedi. Qyzylorda oblysynda keı óńirlerinde tuman túsedi. Mańǵystaý oblysynda kúndiz keı jerlerinde shańdy daýyl bolyp, jeldiń ekpini 15-20 m/s deıin jetedi.
