Búgin elimizdiń basym bóliginde qar jaýyp, qatty jel soǵady - «Qazgıdromet»
ASTANA. QazAqparat - Jeksenbi kúni Qazaqstannyń basym bóligi jaýyn-shashyndy bolyp, qar jaýady, tuman, kóktaıǵaq, syrǵaq boran baıqalyp, kúshti jel soǵady dep kútilýde. Tek elimizdiń batys aımaǵynda ǵana kún ashyq, dep habarlaıdy «Qazgıdromet» RMK.
Pavlodar, Aqmola, Qostanaı, Qaraǵandy oblystarynda keı jerlerinde boran soǵyp, jeldiń ekpini 15-20 m/s deıin jetedi. Batys Qazaqstan jáne Shyǵys Qazaqstan oblystarynda jel 15-22 m/s deıin kúsheıedi. Almaty, Jambyl oblystarynda keı jerlerinde tuman túsip, jeldiń ekpini 15-20 m/s bolady. Al Ońtústik Qazaqstan, Qyzylorda oblystarynda tuman túsip, 15-20 m/s jel soǵady, Qyzylordada - kóktaıǵaq.
