Búgin elimizdiń basym bóliginde burqasyndatyp, kóktaıǵaq bolady
ASTANA. QazAqparat - 3 qarashada Qazaqstannyń basym bóliginde atmosferalyq fronttardyń ótýine baılanysty keı jerlerinde jaýyn-shashyn jaýyp, tuman túsedi, kóktaıǵaq bolyp, jeldiń kúsheıýi kútiledi, tek ońtústikte aýa raıy jaýyn-shashynsyz bolady, dep habarlaıdy «Qazgıdromet» RMK.
Jambyl, Ońtústik Qazaqstan, Qyzylorda, túnde Almaty, Qaraǵandy oblystarynyń keı jerlerinde tuman kútiledi. Atyraý, kúndiz Mańǵystaý, Pavlodar oblystarynyń keı jerlerinde jeldiń 15-20 m/s kúsheıýi, Pavlodar oblysynyń kúndiz keı jerlerinde kóktaıǵaq bolady. Batys Qazaqstan oblysynyń keı jerlerinde tuman, kóktaıǵaq kútiledi. Shyǵys Qazaqstan, túnde Aqtóbe oblystarynyń keı jerlerinde burqasyn, kóktaıǵaq bolady, jeldiń ekpini 15-20 m/s kúsheıedi. Qostanaı, Soltústik Qazaqstan oblystarynyń keı jerlerinde jeldiń 15-23 m/s kúsheıýi kútilip, keı jerlerde burqasyn, tuman, kóktaıǵaq bolady. Aqmola oblysynda jel soǵady, kúshi 15-20 jetedi, keı jerlerinde ekpini 25 m/s jaıaý burqasyn bolady.
