Búgin elimizdiń basym bóliginde burqasyn soǵyp, kóktaıǵaq bolady
ASTANA. QazAqparat - 21 qarashada Qazaqstannyń aýmaǵynda atmosferalyq fronttardyń ótýine baılanysty keı jerlerinde jaýyn-shashyn saqtalady, kóbinese qar jaýady, burqasyn soǵyp, tuman túsedi, kóktaıǵaq bolyp, jel kúsheıdi.
Ońtústik-batysta jaýyn-shashynsyz aýa raıy kútiledi. Aqtóbe, Qostanaı oblystarynyń keı jerlerinde kúndiz burqasynmen birge jel 15-20 m/s deıin kúsheıedi. Aqmola oblysynyń keı jerlerinde túnde jaıaý burqasyn kútiledi, dep habarlaıdy «Qazgıdromet» RMK. Almaty oblysynyń keı jerlerinde tuman, túnde keı jerlerinde kóktaıǵaq kútiledi. Ońtústik Qazaqstan oblysynyń keı jerlerinde tuman bolady, kúndiz keı jerlerinde ekpini 15-20 m/s jel soǵady. Jambyl, Qaraǵandy, Shyǵys Qazaqstan oblystarynyń keı jerlerinde tuman kútiledi. Mańǵystaý, Soltústik Qazaqstan oblystarynyń keı jerlerinde jel 15-23 m/s kúsheıedi, Atyraý oblysynyń kóp bóliginde jel 15-20 m/s soǵady. Batys Qazaqstan oblysynyń keı jerlerinde jel 15-20 m/s kúsheıip, túnde keı jerlerinde kóktaıǵaq kútiledi.
