Búgin elimizdiń basym bóliginde burqasyn soǵady
ASTANA. QazAqparat - 27 qazanda Qaraǵandy oblysynyń soltústik jartysynda kóktaıǵaq, jaıaý burqasyn kútiledi. Batystan jel soǵady, oblystyń soltústiginde, shyǵysynda jáne ortalyǵynda ekpini 15-20 m/s deıin barady, dep habarlaıdy QazAqparat.
Qazgıdromettiń málimetinshe, osy kúni Qyzylorda oblysynyń soltústiginde, ortalyǵynda tuman túsedi.
Al Aqtóbe oblysynyń soltústiginde, batysynda, ortalyǵynda túnde jáne tańerteń tuman túsedi.
Mańǵystaý oblysynda shyǵystan jel soǵady, oblystyń batysynda 15-20 m/s kútiledi.
«Astanada 27 qazanda keı ýaqyttarda jaýyn-shashyn (jańbyrdyń sońy qarǵa ulasady), tuman, kóktaıǵaq kútiledi. Ońtústik-batystan soǵatyn jel soltústikke aýysady, ekpini 15-20 m/s.
Túrkistan oblysynyń taýly jáne taý bókterli aýdandarynda tuman túsedi. Batystan, soltústik-batystan jel soǵady, túnde jáne tańerteń oblystyń batysynda, soltústiginde, taýly jáne taý bókterli aýdandarynda kúshi 15-20, taý asýlarynda ekpini 25 m/s deıin barady», - dep habarlady sınoptıkter.
27 qazanda túnde Aqmola oblysynyń basym bóliginde, kúndiz shyǵys jartysynda jaýyn-shashyn (jańbyrdyń sońy qarǵa ulasady) bolady. Oblystyń soltústiginde, batysynda, shyǵysynda tuman, kóktaıǵaq, jaıaý burqasyn kútiledi. Ońtústik-batystan soǵatyn jel soltústikqe aýysady, túnde oblystyń soltústiginde, batysynda, shyǵysynda, kúndiz oblystyń soltústiginde, shyǵys jartysynda ekpini 15-20 m/s deıin barady.
Búgin Abaı oblysynyń soltústiginde, ońtústik-batysynda, ortalyǵynda ońtústikten, ońtústik-batystan soǵatyn jeldiń kúshi 15-20, ekpini 25 m/s kútiledi.
Batys Qazaqstan oblysynyń soltústik-shyǵysynda tuman túsedi. Jel soltústik-shyǵystan ońtústik-shyǵysqa aýysyp soǵady, kúndiz oblystyń batysynda, ońtústiginde ekpini - 15-20 m/s.
27 qazan kúni Shyǵys Qazaqstan oblysynyń soltústiginde, shyǵysynda kóktaıǵaq, jaıaý burqasyn bolady. Jel ońtústikten, ońtústik-batystan soǵady, oblystyń soltústiginde, shyǵysynda 15-20, ekpini 25 m/s kútiledi.
Qostanaı oblysynyń da shyǵysynda, ońtústiginde kóktaıǵaq, jaıaý burqasyn kútiledi. Túnde jáne tańerteń oblystyń soltústiginde tuman túsedi. Soltústikten, soltústik-batystan jel soǵady, oblystyń shyǵysynda, ońtústiginde kúshi 15-20, túnde ekpini 23 m/s kútiledi.
«Osy kúni Jetisý oblysynyń soltústiginde, shyǵysynda ońtústik-batystan jel soǵady, ekpini 15-20 m/s deıin barady.
Pavlodar oblysynyń soltústiginde, batysynda kóktaıǵaq, kúndiz jaıaý burqasyn kútiledi. Ońtústik-batystan, batystan jel soǵady, túnde oblystyń batysynda, ońtústiginde, kúndiz oblystyń basym bóliginde 15-20 m/s, oblystyń ońtústiginde keı ýaqyttarda ekpini 23 m/s kútiledi», - delingen Qazgıdromet habarlamasynda.
Sol sııaqty, búgin túnde Soltústik Qazaqstan oblysynyń basym bóliginde jaýyn-shashyn (jańbyr, qar) túsedi. Táýlik boıy oblystyń soltústiginde, batysynda, shyǵysynda kóktaıǵaq, jaıaý burqasyn bolady. Soltústikten, soltústik-batystan jel soǵady, kúshi - 15-20 m/s, ekpini - 23-28 m/s.
