Búgin elimizdiń basym bóliginde burqasyn, kóktaıǵaq bolady
ASTANA. QazAqparat - «Qazgıdromet» RMK málimetteri boıynsha, respýblıkanyń basym bóliginde turaqsyz aýa raıy saqtalady. Keı jerlerde qar jaýyp burqasyndatsa, taǵy bir aımaqtarda kóktaıǵaq bolady. Otústik-batys pen ońtústikte jáne ońtústik - shyǵysta burynǵysynsha aýa raıy qalypty jaǵdaıda ótedi. Keı jerlerde tuman da túsedi, dep habarlaıdy QazAqparat.
Qostanaı, Soltústik Qazaqstan, Shyǵys Qazaqstan oblystarynyń keı jerlerinde tuman túsip, kóktaıǵaq bolyp, jeldiń kúshi sekýndyna 15-20 metrge jetedi. Aqmola oblysynyń keı jerlerinde tuman túsip, kóktaıǵaq bolyp, tómennen burqasyndatyp, kúndiz jáne túnde jel kúshi 15-20 metr/sekýndqa jetedi.
Qaraǵandy oblysynyń keı jerlerinde tuman túsip, kóktaıǵaq bolyp, túnde jeldiń kúshi sekýndyna 15-20 metrge jetedi. Jambyl oblysynyń birqatar aımaqtarynda tuman bolyp, kúndiz jáne túnde sekýndyna 15-20 metr jel soǵady.
Mańǵystaý oblysynyń keı jerlerinde tuman túsip, kúndiz jel kúshi sekýndyna 15-20 metrge jetedi. Ońtústik Qazaqstan, Qyzylorda, Atyraý, Batys Qazaqstan oblystarynyń keı jerlerinde tuman túsedi. Pavlodar oblysynda túnde jeldiń kúshi 15-20 metr/sekýndqa jetedi.
