Búgin elimizdiń barlyq balalar úıleri men ınternattarynda «Rızashylyq» qaıyrymdylyq merekesi ótti

ALMATY. 29 qarasha. QazAqparat - Búgin elimizdiń barlyq balalar úıleri men ınternattarynda «Rızashylyq» - «Balalar ıgiligi úshin meıirimdilik» atty qaıyrymdylyq merekesi ótti.

«Qazaqstannyń Birinshi hanymy Sara Nazarbaevanyń bastamasymen bul mereke 2009 jyldan beri qarashanyń árbir sońǵy beısenbisinde elimizdiń barlyq aımaqtarynda jetim jáne ata-ana qamqorlyǵynsyz qalǵan balalar úshin ótkiziledi», - dedi Almaty qalalyq balalar quqyqtaryn qorǵaý departamentiniń dırektory Sáýle Beketaeva.

Aktsııanyń maqsaty - Batysta keńinen atap ótiletin Rızashylyq kúni ıdeıasyna negizdelgen otbasylyq mereke atmosferasyn qurý. Bul jylylyq, mahabbat, meıirimdilik, ózara túsinistik pen qoldaý kúni. Búgin meımandar men demeýshiler barlyq balalar úılerine bardy. Dástúr boıynsha balalarǵa syılyqtar tartý etildi.