Búgin elimizdiń barlyq aımaǵynda jel kúsheıedi - Qazgıdromet

ASTANA. QazAqparat - Qazgıdromet el aýmaǵynda 11 maýsymda bolatyn qaýipti meteorologııalyq qubylystarǵa boljam jasady, dep habarlaıdy QazAqparat.

Atmosferalyq frontaldy bólikterdiń ótýimen Qazaqstannyń basym bóliginde turaqsyz aýa raıy saqtalady, soǵan baılanysty naızaǵaı oınap, jańbyr jaýady. Tek respýblıkanyń batysynda, soltústik-batysynda jáne ortalyǵynda jaýyn-shashynsyz aýa raıy saqtalady. Elimizdiń barlyq aımaǵynda jel kúsheıedi, ońtústikte shyńdy daýylmen, soltústikte, shyǵysta, ortalyqta burshaq, shyǵysta, ońtústikte daýyl kútiledi.

«Atyraý, Mańǵystaý, Aqtóbe oblystarynyń basym bóliginde, Batys Qazaqstan oblysynyń ońtústiginde qatty ystyq bolady.

Túrkistan, Aqtóbe, Qyzylorda, Almaty, Mańǵystaý, Jambyl, Abaı, Aqmola, Jetisý oblystarynda, Atyraý oblysynyń soltústiginde, shyǵysynda, ońtústiginde, Shyǵys Qazaqstan oblysynyń soltústiginde, soltústik-batysynda, batysynda, Ulytaý oblysynyń ortalyǵynda, Qaraǵandy oblysynyń ońtústiginde, Qostanaı oblysynyń ońtústik jartysynda, Pavlodar oblysynyń soltústiginde tótenshe órt qaýipi saqtalady», - dep jazdy sınoptıkter.

Batys Qazaqstan oblysynyń shyǵysynda, ońtústik-shyǵysynda joǵary órt qaýipi kútiledi.