Búgin elimizdiń alty oblysynda kún qatty ysıdy
ASTANA. QazAqparat - Búgin Qazaqstan terrıtorııasynyń kóp bóliginde jaýyn-shashynsyz aýa raıy saqtalady. Tek elimizdiń soltústik-batys bólikteri atmosferalyq fronttardyń yqpalynda bolǵandyqtan, keı jerlerde naızaǵaıly ótkinshi jańbyr jaýady. Keı jerlerinde jel kúsheıedi. Respýblıkanyń ońtústik-batysynyń keı jerlerinde shańdy daýyl kútiledi.
Bul týraly QR ІІM TJK baspasóz qyzmeti habarlady.
Jambyl oblysynyń keı jerlerinde jeldiń jyldamdyǵy 15-20 m/s-ǵa deıin kúsheııýi kútiledi.
Kúndiz Mańǵystaý oblysynda shańdy daýyl kútilip, jeldiń jyldamdyǵy 15-20 m/s-ǵa deıin kúsheıedi.
Batys Qazaqstan, Soltústik Qazaqstan oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi, naızaǵaı bolady.
Atyraý, Aqtóbe oblystarynda naızaǵaı kútiledi, kúndiz keı jerlerinde jeldiń jyldamdyǵy 15-20 m/s-ǵa deıin kúsheıedi.
Qostanaı oblysynyń keı jerlerinde naızaǵaı oınaıdy, qalǵan kóp bóliginde jeldiń jyldamdyǵy 15-20 m/s-ǵa deıin kúsheıýi kútiledi.
Jambyl, Atyraý oblystarynda, Mańǵystaý, Aqtóbe, Qostanaı, Qaraǵandy oblystarynyń keı jerlerinde qatty ystyq kútiledi.
Atyraý, Aqtóbe, Qyzylorda, Ońtústik Qazaqstan, Jambyl oblystarynda, Almaty, Qaraǵandy, Batys Qazaqstan, Qostanaı, Shyǵys Qazaqstan oblystarynyń keı jerlerinde óte joǵary órt qaýipi saqtalady.
