Búgin elimizdiń 9 qalasynda aýa sapasy nasharlaıdy
NUR-SULTAN. QazAqparat – 2 sáýirde Qazaqstannyń kóptegen qalalarynda qolaıly meteorologııalyq jaǵdaı saqtalady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 2 sáýir, senbi kúni elimizdegi qalalardyń basym kópshiliginde meteorologııalyq ahýal birqalypty bolady.
Tek Nur-Sultan, Almaty, Aqtaý, Aqtóbe, Balqash, Jezqazǵan, Qaraǵandy, Temirtaý jáne Shymkent qalalarynda aýa sapasy birshama nasharlaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
