Búgin elimizdiń 7 qalasynda aýa lastanady

ASTANA. QazAqparat – Búgin Qazaqstannyń 7 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.

«2023 jylǵy 27 sáýirde táýilik boıy Temirtaý, Qaraǵandy, Óskemen, Semeı, Rıdder, Almaty qalalarynda, 27 sáýirde túnde Astana qalasynda qolaısyz meteorologııalyq jaǵdaılar kútiledi»,-delingen habarlamada.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.