Búgin elimizdiń 6 qalasynda aýa lastanady
ASTANA. QazAqparat – Búgin Qazaqstannyń 6 qalasyna jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RMK-na silteme jasap.
«2022 jylǵy 28 qarashada Astana, Almaty, Kókshetaý, Rıdder (2 dárejeli), Semeı (2 dárejeli), Óskemen (2 dárejeli) qalalarynda qolaısyz meteorologııalyq jaǵdaılar kútiledi»,-delingen habarlamada.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
