Búgin elimizdiń 5 óńirinde oqýshylar aýa raıyna baılanysty mektepke barmady
ASTANA. QazAqparat - Elimizdiń birneshe óńirinde mektepter men kolledjderdegi sabaqtar qashyqtan oqytý formatyna aýystyryldy, dep habarlaıdy QazAqparat.
Temperatýranyń tómendeýine baılanysty 29 qarashada Shyǵys Qazaqstan oblysy mektepterinde birinshi aýysymnyń sabaqtary qashyqtan oqytý formatyna aýystyryldy
Atap aıtqanda, Óskemende, sondaı-aq Altaı, Tarbaǵataı, Ulan, Glýbokoe, Samar, Katonqaraǵaı, Shemonaıha, Zaısan jáne Kúrshim aýdandarynda 0-11 synyptar mektepke barmaıdy.
Al Rıdderde 0-9 synyp oqýshylary qashyqtan oqıdy.
Qyzylordada da qolaısyz aýa raıyna jáne qatty jelge baılanysty 0-4 synyp oqýshylary onlaın bilim alady.
Qaraǵandyda birinshi aýysymnyń 0-4 synyp oqýshylary úıde qaldy.
Pavlodarda aýa raıynyń qolaısyzdyǵyna baılanysty 1-synyptan 9-synypqa deıingi oqýshylar qashyqtan oqytýǵa aýystyryldy.
Abaı oblysynda 1-11 synyp oqýshylary, sondaı-aq birinshi aýysymdaǵy kolledjderdiń 1-2 kýrs stýdentteri onlaın oqıtyn boldy.
