Búgin elimizdiń 4 qalasynda aýa sapasy nasharlaıdy

ASTANA. QazAqparat – 30 sáýir kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy QazAqparat.

«Qazgıdromet» RMK baspasóz qyzmeti taratqan málimetke sensek, 30 sáýir, jeksenbide elimizdegi qalalardyń basym kópshiliginde meteorologııalyq ahýal birqalypty bolady.

Tek Petropavl, Aqtóbe, Astana, túnde Kókshetaý qalalarynda aýa sapasy birshama nasharlaıdy.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.