Búgin elimizdegi júzdegen etnos ókilderiniń qazaq halqyna alǵys aıtatyn kúni - Albert Raý
ASTANA. QazAqparat - KIAE qosalqy bólshekter, avtokomponentter men avtokólikterge tehnıkalyq qyzmet kórsetýge arnalǵan qurylǵylardyń kórmesin asha otyryp, Investıtsııalar jəne damý vıtse-mınıstri Albert Raý qazaqstandyqtardy Alǵys aıtý kúnimen quttyqtady.
"Sóz basynda qazaqstandyqtardy kóktemniń alǵashqy kúnimen quttyqtaǵym keledi. Qys ótip, Naýryz aıy týǵanda kóńilimizge de kóktem qatar keledi. Búgin sondaı-aq alǵash ret Qazaqstan halqy Alǵys aıtý kúnin toılap jatyr. Elimizde turatyn júzdegen etnos ókilderi búgin qazaq halqyna alǵys aıtatyn kún. Sebebi, búgingi urpaqtyń ata-babasy bizdiń ata-babamyzdy qıyn-qystaý kezde baýyryna basqan edi. Bizdiń barymyz - dostyq pen birligimiz. Birlik - bizdiń qarýymyz. Sondyqtan, osy retti paıdalana otyryp, barshańyzdy, búkil qazaqstandyqtardy Alǵys aıtý kúnimen quttyqtaımyn",-dedi A.Raý.
Esterińizge sala keteıik, búgin, 1 naýryzda Qazaqstan tuńǵys ret Alǵys aıtý kúnin toılap jatyr. Bul merekeni belgileý jónindegi Jarlyqqa Elbasy 2015 jyldyń 15 qańtar kúni qol qoıǵan bolatyn.
