Búgin elimizdegi 19 myń kitaphanashy tuńǵysh ret kásibı merekesin atap ótti
«
Elimizdegi 70 mıllıon dana kitap qoryna qamqorlyq tanytyp júrgen barsha kitaphanashylardy kásibı merekemen quttyqtaımyn. Meniń oıymsha, kitaphana isiniń qajettiligine jáne kitaphana isiniń kúrdeliligine eshkim kúmán keltirmeıdi. Degenmen, qoǵam arasynda «kitaphanalardyń ǵasyry aıaqtaldy, olardyń qyzmeti qaǵaz tasyǵyshtar dáýirindegi atavızm retinde eskiredi, ınternet pen tsıfrlyq transformatsııa arqasynda qoǵamdyq kitaphananyń ornyn bir ǵana smartfon basa alady» degen syndy teris pikirler bar. Men mundaı pikirmen túbegeıli kelispeımin. Jalpy, tehnologııaǵa kózsiz tabyný men tsıfrǵa degen soqyr senim bizdiń urpaqtyń sanasyn qundylyqtarǵa tereń boılaýǵa múmkindik bermeı, adastyrady dep sanaımyn
«, - dedi Dáýren Abaev.
Mınıstrdiń aıtýynsha, qazirgi zamanǵy kópshilik kitaphananyń fýnktsıonaldyǵy kitaptardy saqtaý, júıeleý, tsıfrlandyrý jáne oqyrmandarǵa usyný sheńberinen áldeqaıda kóp baǵytty qamtıdy. Bul rette mınıstrlik kitaphanalar jumysynyń jańa qaǵıdattary men standarttaryn kezeń-kezeńimen engizýmen aınalysýǵa daıyn.
«
Kitaphana – bul bilimge úńilip, sanaly túrde, jaıly ortada oqýǵa keletin ǵıbadathana. Biz kúndelikti kúıbeń tirlik qarbalastan arylyp, rýhanııat álemine enýge múmkindik týǵyzatyn qasterli oryn. Sondyqtan, biz kitaphana isin qoldaıtyn bolamyz. Bul – bizdiń berik ustanymymyz
», - dep túıindedi mınıstr.
Saltanatty is-shara aıasynda vedomstvo basshysy kitaphanashylarǵa «Mádenıet salasynyń úzdigi» tósbelgisin tabystady jáne Qurmet gramotasymen, Alǵys hattarmen marapattady.
Aıta keteıik, elimizde 11 myńnan astam kitaphana jumys isteıdi. Onyń 7 myńnan astamy bilim berý júıesine qarasty, 3 myńnan astamy mádenıet jáne sport salasyna qarasty.
Eske salsaq, jýyrda Úkimet «Kitaphanashylar kúni» jańa kásibı merekesin bekitti.
Foto : gov.kz
