Búgin elimizde 16 myńǵa jýyq áskerı qyzmetshi senbilikke shyqty (FOTO)
QR Qorǵanys mınıstrligi Ortalyq apparatynyń, Astana mańynda ornalasqan QR QK áskerı bólimderi men qurylymdyq bólimsheleriniń, QR QK Áýe qorǵanysy kúshteri áskerı-áýe kúshteriniń áskerı qyzmetshileri, «Jas ulan» respýblıkalyq mektebiniń tárbıelenýshileri Astanadaǵy jalpyqalalyq senbilikke qatysty. Jalpy alǵanda 2 640 adam QR QM ákimshilik ǵımaratynyń, áskerı bólimderiniń aýmaǵynda, sondaı-aq elordamyzdyń Turan jáne Sh.Qudaıberdiuly dańǵyldarynda, І.Jansúgirov jáne ıAnýshkeevıch kóshelerinde, Ilınka kentinde tazalaý jumystaryn júrgizdi. Senbilik Ilınka kentinde 724 túp aǵash kóshetin otyrǵyzýmen aıaqtaldy (sonyń ishinde 500 aǵashty erekshe kózge túsken 200 paradqa qatysýshy Jeńistiń 70 jyldyǵy merekesiniń qurmetine otyrǵyzdy).
Sonymen birge «Batys» jáne «Shyǵys» óńirlik qolbasshylyqtarynyń áskerı bólimderinde de áskerı qyzmetshiler senbilikke shyqty. Senbilikke qatysý - azamattardyń sanaly qadamy, árbir qazaqstandyqtyń óz qalasyn jaqsartyp, ony taza, ári ádemi etýge umtylýy. Sondyqtan da áskerı qyzmetshilerdiń kóbi otbasymen birge keldi.
«Áskerı qyzmetshiler osyndaı is-sharalardan tys qalǵan emes. Qalamyzdy ásem de ádemi qylý úshin biz búgin otbasymyzben senbilikke shyqtyq. Biz óz úlgimizben balalardy eńbekke baýlımyz. Bul jaqsy dástúrge aınaldy. Óz qalańa, óz elińe degen súıispenshilik aýlany tazalap, aǵash otyrǵyzýdan bastaý alady», - dep 55765 áskerı bóliminiń órtke qarsy qorǵanys jáne qutqarý jumystary qyzmetiniń bastyǵy starshına Ǵalel Táýekelov áńgimeleıdi.
Jalpy 11 jáne 18 sáýirde ótken alǵashqy kóktemgi senbilikterge búkil elimizde Qazaqstan Qarýly Kúshteriniń 37 myńǵa jýyq áskerı qyzmetshisi jáne olardyń otbasy músheleri qatysty. Olar 32 myńnan astam aǵash kóshetterin otyrǵyzyp, gúl ekti. 319 gektar aýdandy alyp jatqan aýmaq jınaldy.