Búgin eldiń soltústiginde jaýyn-shashyndar kútilýde - sınoptıkter
ASTANA. 19 sáýir. QazAqparat - Búgin, Qazaqstannyń basym aýmaǵy antıtsıklonnyń yqpalynda bolady osyǵan oraı, azdap bultty, jyly kún raıy kútilýde.
Ońtústik pen batysta ystyq bolady, al tsıklonnyń áser etýimen respýblıkanyń soltústik óńirlerinde azdaǵan jaýyn-shashyndar bolýy múmkin. Bul týraly Qazgıdrometke silteme jasap, QR TJM-nyń baspasóz qyzmetinen habarlady.
Jambyl, Ońtústik Qazaqstan, kúndiz Qostanaı oblystarynyń keı jerlerinde 15-20 m/s kúshpen jel soǵady. Atyraý oblysynyń jekelegen aýmaqtarynda tuman kútilýde.
Aldaǵy táýlikte Jaıyq, Pokrovka aýylynan tómen Esil ózenderinde, sondaı-aq Reseımen shekaradaǵy Tobyl ózeninde sý tasqyny jaǵdaıy men sý deńgeıiniń kóterilýi jalǵasady. Respýblıkanyń ońtústik, ońtústik-shyǵys jáne shyǵysyndaǵy sýly nysandarda sý kóleminiń aýytqýy baıqalady.
