Búgin eldiń ońtústik shyǵysynda jel kúsheıip, ońtústik batysta kóktaıǵaq bolady – Qazgıdromet

ASTANA. QazAqparat – «Qazgıdromet» aqpannyń 2-si kúngi kún raıy boljamyn jarııalady, dep habarlaıdy QazAqparat.

Kásiporynnyń boljamyna qaraǵanda, 2-aqpan kúni Qazaqstannyń soltústigi men shyǵys jartysy antıtsıklon silemi áserinde bolyp, kún jaýyn-shashynsyz bolady. Respýblıkanyń ońtústigi men ońtústik-shyǵysyna ońtústik tsıklon áser etedi, sonyń áserinen jaýyn-shashyn bolady, keı ýaqytta nóser jaýyn (jańbyr, qar) bolady. Respýblıka boıynsha tuman túsip, respýblıkanyń ońtústiginde, ońtústik-shyǵysynda jel kúsheıedi, eldiń ońtústiginde, ońtústik-batysynda kóktaıǵaq bolady.

Túrkistan oblysynyń ońtústiginde, taýly aýdandarynda, Qyzylorda oblysynyń ońtústik-shyǵysynda, Jambyl oblysynyń taýly aýdandarynda nóser jaýyn (jańbyr, qar) jaýady, kúndiz Almaty oblysynyń taýly aýdandarynda qalyń qar túsedi.