Búgin eldiń batysynda qatty ystyq kútiledi

ASTANA. QazAqparat – 20 tamyzda joǵary qysym alqabynyń áserinen Qazaqstannyń basym bóliginde kún raıy negizinen jaýyn-shashynsyz bolady. Tek eldiń soltústiginde, ońtústik-batysynda jáne ońtústik-shyǵysynda, taýly aımaqtarynda frontaldy bólikterdiń ótýimen qubylmaly aýa raıy saqtalady: naızaǵaımen qosa ótkinshi jańbyr jaýady, burshaq túsýi yqtımal. Respýblıka boıynsha ekpindi jel boljanady. QazAqparat bul týraly «Qazgıdrometke» silteme jasap habarlaıdy.

Atap aıtqanda, kúndiz Atyraý, Batys Qazaqstan, Aqtóbe oblystarynyń batysy men ońtústiginde, Mańǵystaý oblysynyń soltústik-shyǵysynda 35-39°s deıin qatty ystyq kútiledi.

Atyraý, Mańǵystaý, Jambyl, Qyzylorda, Aqtóbe oblystarynda, Qostanaıdyń ońtústiginde, Almatynyń soltústiginde, Túrkistan oblysy men Batys Qazaqstan oblysynyń ortalyǵynda órt tutanýdyń asa joǵary qaýpi kútiledi.

Soltústik Qazaqstan, Qaraǵandy, Ulytaý oblysynda, Almaty oblysynyń ońtústiginde, Aqmola oblysynyń batysy men soltústiginde, Batys Qazaqstan oblysynyń soltústiginde, Jetisý oblysynyń batysynda órt shyǵý qaýpi joǵary bolady.