Búgin eldiń basym bóliginde jel kúsheıip, tuman bolady
ASTANA. QazAqparat - Atmosferalyq fronttardyń ótýine baılanysty 12 naýryz kúni respýblıkanyń ońtústik, ońtústik-shyǵys jáne ortalyq aýdandarynyń keı jerlerinde jaýyn -shashyn bolady, kóbine qar jaýady.
Jekelegen aýmaqtarda tuman, kóktaıǵaq bolyp, shańdy daýylmen jel kóteriledi.
Aqmola, Batys Qazaqstan, Aqtóbe, Qostanaı, Pavlodar, Shyǵys Qazaqstan, Soltústik Qazaqstan oblystarynyń keı jerlerinde tuman kútiledi.
Almaty, Jambyl, Qyzylorda oblystarynda tuman, kóktaıǵaq bolady.
Ońtústik Qazaqstan oblysynyń keı jerlerinde jel 15-20 m/s kúsheıip, túnde tuman kútiledi. Atyraý oblysynyń keı jerlerinde jeldiń ekpini 15-20 m/s artady.
Mańǵystaý oblysynyń jekelegen aýmaqtarynda jel 15-20 m/s kúsheıip, shańdy daýyl kóteriledi.
