Búgin eldiń basym bóliginde jaýyn-shashyndy bolady
NUR-SULTAN. QazAqparat - 3 sáýir kúni atmosferalyq frontaldy bólikterdiń ótýine baılanysty Qazaqstannyń basym aýmaǵynda jaýyn-shashyn bolady. Ońtústik taýlarynda jańbyr qatty jaýady. Respýblıkanyń tek shyǵysynda sársenbi jaýyn-shashynsyz ótedi. Elimizdiń keı jerlerinde tuman, ekpindi jel, naızaǵaı, shańdy daýyl kútiledi, burshaq jaýýy múmkin, dep habarlaıdy QazAqparat.
«Qazgıdromet» RMK aqparatyna sáıkes, Túrkistan oblysynyń keı jerlerinde burshaq jaýýy múmkin, 15-20 m/s jyldamdyqtaǵy jeldiń ekpini túnde 25 m/s kúsheıýi yqtımal.
Soltústik Qazaqstan oblysynyń jekelegen aýmaqtarynda tuman boljanady, jeldiń kúshi 23-28 m/s artýy múmkin.
Qyzylorda oblysynyń keı jerlerinde tuman, shańdy-daýyl kútiledi, jeldiń ekpini 15-20 m/s jetedi.
Qostanaı oblysynyń keı jerlerinde tuman, 15-20 m/s jyldamdyqta jel boljanady.
Aqmola oblysynyń keı jerlerinde tuman, kúndiz keı jerlerinde 15-20 m/s ekpinde jel bolady.
Jambyl oblysynyń keı jerlerinde tuman, jeldiń kúshi 15-20 m/s jetedi.
Mańǵystaý, Atyraý, Batys Qazaqstan, Qaraǵandy oblystarynyń keı jerlerin tuman basyp, jel 15-20 m/s artady.
Pavlodar, Shyǵys Qazaqstan oblystarynyń túnde jáne kúndiz keı jerlerinde tuman kútiledi.
Aqtóbe oblysynyń keı jerlerinde jel 15-20 m/s jetedi.
