Búgin eldiń basym bóliginde jańbyr jaýady - Qazgıdromet
ASTANA. QazAqparat - Qazaqstannyń basym bóliginde atmosferalyq frontaldy aýa bólikterdiń ótýine baılanysty turaqsyz aýa raıy saqtalady, keı jerlerde jańbyr, ońtústik-shyǵysta qatty nóser jaýady dep kútiledi, keı jerlerinde jel kúsheıedi. Tek batysta jáne soltústik-batysta kún raıy jaýyn-shashynsyz bolady, dep habarlaıdy «Qazgıdromet» RMK.
Aqmola, Shyǵys Qazaqstan, kúndiz Ońtústik Qazaqstan oblystarynyń keı jerlerinde jeldiń ekpini 15-20 m/s kúsheıedi. Qaraǵandy oblysynyń keı jerlerinde tuman baıqalyp, jeldiń kúshi 15-20 m/s bolady.
Batys Qazaqstan oblysynyń keı jerlerinde shańdy daýyl kútiledi. Qostanaı oblysynda túnde jáne tańerten tuman bolady. Batys Qazaqstan, Qyzylorda, Qaraǵandy oblystarynyń keı jerlerinde óte joǵary órt qaýpi saqtalady.
