Búgin eldiń basym bóliginde turaqsyz aýa raıy saqtalady - Qazgıdromet
ASTANA. QazAqparat - 27 jeltoqsan kúni Qazaqstannyń barlyq bóliginde aýa raıynyń turaqsyzdyǵy saqtalady, jaýyn-shashyn, tuman túsip, kóktaıǵaq bolady, qar jaýady, jeldiń ekpini kúsheıe túsedi dep habarlaıdy Qazgıdromet.
Tek eldiń batysy, ońtústigi men ońtústik-shyǵysynda ǵana kún raıy ashyq bolady. Almaty oblysynda Jalańashkól aımaǵynda jeldiń kúshi 18-23 m/s bolady. Aqmola oblysynda jeldiń ekpini 15-20 m/s, keı jerlerinde 25 m/s deıin jetedi, boran soǵady. Pavlodar oblysynda 17-22 m/s jel soǵady, keı jerlerinde 25 m/s jetedi, boran soǵyp, kóktaıǵaq bolady. Qaraǵandy oblysynda keı jerlerinde tuman túsip, kóktaıǵaq bolady, boran soǵyp, jeldiń ekpini 15-20 m/s, keı jerlerinde 23 m/s jetedi. Shyǵys Qazaqstan oblysynda keı jerlerinde boran soǵyp, kóktaıǵaq bolady, jeldiń ekpini 15-20 m/s, keı jerlerinde 25 m/s jetedi. Qostanaı oblysynda keı jerlerinde boran soǵyp, tusan túsedi, kóktaıǵaq bolady, jeldiń ekpini 15-20 m/s jetedi. Soltústik Qazaqstan oblysynda boran soǵyp, tuman túsedi, jeldiń ekpini 15-20 m/s jetedi. Aqtóbe oblysynda túnde boran soǵyp, jeldiń ekpini 15-20 m/s jetedi. Qyzylorda oblysynda keı jerlerinde kóktaıǵaq bolady, jeldiń ekpini 15-20 m/s jetedi. Mańǵystaý oblysynda keı jerlerinde tuman túsip, kóktaıǵaq bolady, jeldiń ekpini 15-20 m/s jetedi. Jambyl, Ońtústik Qazaqstan, Atyraý oblystarynda keı jerlerinde tuman túsedi.
