Búgin eldiń basym bóliginde naızaǵaı oınap, jańbyr jaýady

NUR-SULTAN. QazAqparat - 21 shildede Qazaqstannyń basym bóliginde naızaǵaı, jańbyr, ekpindi jel bolady. Elimizdiń batysynda, soltústiginde jáne shyǵysynda burshaq jaýýy yqtımal. Ońtústik-batysta shańdy daýyl kútiledi. Tek ońtústik jáne ońtústik-shyǵysta jaýyn-shashynsyz aýa raıy boljanady, dep habarlaıdy QazAqparat Qazgıdrometke silteme jasap.

Atap aıtqanda, Túrkistan, Qyzylorda, Jambyl oblystarynyń basym bóliginde, Atyraý, Mańǵystaý oblystarynyń ońtústiginde, Batys Qazaqstan oblysynyń ońtústik-batysynda tótenshe órt qaýpi kútiledi.

Kúndiz Almaty, Jambyl, Túrkistan, Mańǵystaý, Ulytaý oblystarynyń basym bóliginde, Aqtóbe oblysynyń ońtústiginde qatty ystyq boljanady.

Kúndiz Qyzylorda, Jambyl oblystarynyń basym bóliginde, Ulytaý oblysynyń ońtústigi men ortalyǵynda, Qaraǵandy oblysynyń ońtústiginde óte qatty ystyq saqtalady.