Búgin eldiń basym bóliginde kúshti jel turyp, jaýyn jaýady
ASTANA. QazAqparat - Atmosferalyq fronttardyń ótýine baılanysty 6 naýryz kúni Qazaqstannyń basym bóliginde qubylmaly kún raıy saqtalady, jaýyn-shashyn jaýady, keı ýaqyttarda nóserli jaýyn kútiledi. Eldiń jekelegen aýmaqtarynda tuman, kóktaıǵaq, burqasyn, jeldiń kúsheıýi boljanady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Ońtústik Qazaqstan, Jambyl oblystarynda 15-20 m/s jyldamdyqpen soqqan jeldiń ekpini 23-28 m/s, kúndiz keı jerlerinde 30 m/s jetetini kútiledi. Jambyl oblysynyń keı jerlerinde túnde tuman, Ońtústik Qazaqstan oblysynyń keı jerlerinde naızaǵaı bolady.
Soltústik Qazaqstan, Aqmola, Shyǵys Qazaqstan oblystarynda jeldiń ekpini sekýndyna 23-28 metr, kúndiz keı jerlerinde 30 m/s jáne odan joǵary jyldamdyqta bolatyny boljanady. Sondaı-aq tuman, kóktaıǵaq kútiledi.
Qaraǵandy oblysynda 15-20 m/s ekpindegi jeldiń kúshi 25 m/s jetedi. Keı jerlerinde burqasyn, tuman, kóktaıǵaq bolady.
Pavlodar oblysynyń keı jerlerinde burqasyn, tuman, kóktaıǵaq bolady, kúndiz basym bóliginde jeldiń kúshi 23-28 m/s jetedi.
Qostanaı, Aqtóbe oblystarynda jeldiń ekpini 23-28 m/s artady. Keı jerlerinde burqasyn, tuman, kóktaıǵaq boljanady.
Mańǵystaý oblysynyń keı jerlerinde tuman kútiledi, jel 15-20 m/s deıin kúsheıedi, túnde - jaıaý burqasynmen.
Batys Qazaqstan, Qyzylorda oblystarynyń keı jerlerinde tuman, kóktaıǵaq bolady, jeldiń kúshi 15-23 m/s artady. Batys Qazaqstan oblysynda sondaı-aq burqasyn boljanady.
