Búgin eldiń basym aýmaǵynyń aýa raıyn antıtsıklon taramdary qalyptastyrady - Qazgıdromet
ANA. 12 qańtar. QazAqparat - «Qazgıdromettiń» boljaýynsha, búgin 12 qańtar kúni Qazaqstannyń basym aýmaǵynyń aýa raıyn antıtsıklon taramdary qalyptastyrady. Respýblıkanyń ońtústik jáne soltústik óńirleri arqyly atmosferalyq aǵymdar yǵysyp, ózimen birge qar, tuman jáne kúshti jelder alyp keledi.
Máselen, Almaty oblysy Jalańashkól aýmaǵynda ońtústik-shyǵystan 20-25 m/s ekpinde jel soǵady, keı ýaqyttary onyń jyldamdyǵy 30 m/s-qa jetýi yqtımal.
Soltústik Qazaqstan, Aqmola, Pavlodar jáne Shyǵys Qazaqstan oblystarynyń keı jerlerinde burqasyndatyp, 15-20 m/s kúshpen jel soǵady.
Qyzylorda, Ońtústik Qazaqstan jáne Jambyl oblystarynyń jekelegen jerlerinde tuman boljanýda.
Gıdrologııalyq boljamdarǵa sáıkes, aldaǵy táýlikte eldiń sýly nysandarynda muz qatý úrdisi jalǵasady. Jekelegen ózenderde muz keptelisi paıda bolyp, sý deńgeıi kóterilýi yqtımal.
