Búgin eldiń basym aýmaǵynda jaýyn-shashyn, burqasyn, ótpeli jel, kóktaıǵaq pen tuman kútilýde - Qazgıdromet
TANA. 15 qarasha. QazAqparat - «Qazgıdromettiń» boljaýynsha, seısenbi kúni Qazaqstannyń basym bóligi atmosferalyq aǵym aýmaǵynda ornalasyp, onymen jekelegen jerlerde jaýyn-shashyn (basym óńirde qar), burqasyn, ótpeli jel, kóktaıǵaq pen tuman kútilýde.
Atap aıtqanda, Jambyl, Mańǵystaý, kúndiz Batys Qazaqstan oblystarynyń keı aýmaqtarynda tuman, kóktaıǵaq, 15-22 m/s jyldamdyqta jel boljanýda.
Aqtóbe, Pavlodar, Shyǵys Qazaqstan oblystarynyń jekelegen óńirlerinde 15-20 m/s ekpinde jel turyp, burqasyndatady.
Kúndiz Aqmola, Atyraý, Qostanaı, Qaraǵandy oblystarynda jeldiń kúshi sekýndyna 15-20 metrge deıin kúsheıedi. Qostanaı oblysynda oǵan burqasyn qosylady.
Qyzylorda oblysynda tuman túsip, kóktaıǵaq bolady.
Ońtústik Qazaqstan oblysynyń keı jerlerinde sondaı-aq, tuman, kóktaıǵaq, 15-20 m/s jyldamdyqtaǵy jel kútilýde. Taýly aýmaqtarda burqasyn soǵady.
Almaty oblysynda tuman, kóktaıǵaq, túnde jeldiń ekpini sekýndyna 15-20 metrge deıin kúsheıedi.
Al gıdrologııalyq boljamdarǵa sáıkes, aldaǵy táýlikte Qazaqstannyń soltústigindegi sýly nysandardyń deninde muz qatý protsesi jalǵasady. Shyǵys Qazaqstan oblysynyń jekelegen ózenderinde muz qatparlarynyń paıda bolýyna baılanysty muz keptelip, sý deńgeıi kóterilýi múmkin. Qaljyr ózeni arnasynan tasyp, sý basý qaýpi bolady. Eldiń ońtústik jáne ońtústik-shyǵysyndaǵy sýly nysandarda sýdyń birtindep sýýy baıqalady.
