Búgin eldiń basym aýmaǵynda tuman men jeldiń kúsheıýi kútiledi
ASTANA. QazAqparat -Atmosferalyq fronttardyń ótýine baılanysty 19 sáýir kúni Qazaqstannyń batys jáne ońtústik-shyǵys aımaqtarynda jańbyr jaýady, dep habarlaıdy QazAqparat "Qazgıdrometke" silteme jasap.
Respýblıkanyń keı jerlerinde tuman bolyp, ekpindi jel soǵady, ońtústikte, ońtústik-shyǵysta naızaǵaı kútiledi.
Atap aıtqanda, Jambyl, Soltústik Qazaqstan, Qostanaı, Mańǵystaý oblystarynyń keı jerlerinde tuman baqylanyp, jeldiń 15-20 m/s kúsheıýi kútiledi.
Túnde jáne tańerteń Ońtústik Qazaqstan, kúndiz Atyraý, Batys Qazaqstan oblystarynyń keı jerlerinde 15-20 m/s ekpinde jel soǵady.
Túnde Almaty, túnde jáne tańerteń Qaraǵandy, Shyǵys Qazaqstan jekelegen aýmaqtarynda tuman kútiledi.
