Búgin eldiń basym aýmaǵynda tuman, kóktaıǵaq pen kúshti jelder boljanýda - Qazgıdromet
ANA. 29 jeltoqsan. QazAqparat /Gúlmıra Álıakparova/ - «Qazgıdromettiń» boljaýynsha búgin, 29 jeltoqsan kúni respýblıkanyń soltústik-batys bóligi tsıklon men atmosferalyq aǵymdardyń yqpalynda bolady. Eldiń ózge aýmaqtaryna antıtsıklonnyń áseri saqtalady, aýa raıy - jaýynsyz, túnde tuman túsedi.
Máselen, Aqmola, Soltústik Qazaqstan jáne Pavlodar oblystarynda keı jerlerde burqasyndatyp, 15-22 m/s ekpinde jel turady.
Qostanaı, kúndiz Qaraǵandy oblystarynda - keı jerlerde burqasyn, tuman, kóktaıǵaq jáne jeldiń kúshi 15-20 m/s bolady dep kútilýde.
Almaty, Jambyl jáne Atyraý oblystarynyń jekelegen óńirlerinde tuman boljanýda, al Almaty oblysynyń Jalańashkól aýmaǵynda sekýndyna 20-25 metr jyldamdyqpen soqqan jeldiń kúshi keı ýaqyttary 28 metrge deıin jetýi yqtımal.
Batys Qazaqstan jáne Aqtóbe oblystarynda keı jerlerde, sondaı-aq tuman men kóktaıǵaq boljanýda.
Ońtústik Qazaqstan men Qyzylorda oblystarynda - tuman, 15-20 m/s kúshpen jel soǵady.
Aqtóbe oblysynda - tuman, kóktaıǵaq, kúndiz jeldiń kúshi sekýndyna 15-20 metrdi quraıdy.
