Búgin eldiń basym aýmaǵynda qar, burqasyn, uıytqyma jel, tuman men kóktaıǵaq kútilýde - Qazgıdromet
TANA. 22 qarasha. QazAqparat - «Qazgıdromettiń» boljaýynsha, seısenbi kúni Qazaqstannyń basym aýmaǵy atmosferalyq aǵyndarmen baılanysty belsendi tsıklonnyń yqpalynda bolady.
Onymen jekelegen jerlerde qar, burqasyn, uıytqyma jel, tuman men kóktaıǵaq kútilýde. Al eldiń batysyndaǵy aýa raıyna antıtsıklon áser etetin bolady.
Atap aıtqanda, Aqmola oblysynyń keı aýmaqtarynda burqasyndatyp, sekýndyna 15-20 metr jyldamdyqpen soǵatyn jeldiń kúshi keı ýaqyttary 25 metrge jetýi yqtımal.
Qostanaı, Soltústik Qazaqstan, kúndiz Aqtóbe oblystarynyń keı aýmaqtarynda jeldiń ekpini 15-22 m/s-qa deıin kóteriledi. Qostanaı men Soltústik Qazaqstan oblystarynda oǵan burqasyn qosylady.
Atyraý oblysynda tuman túsip, kóktaıǵaq bolady.
Sondaı-aq Mańǵystaý oblysynda da tumandy.
Qyzylorda oblysynda túnde kóktaıǵaq boljanýda.
Pavlodar oblysynda 17-22 m/s kúshpen jel soǵyp, burqasyndatady. Keı jerlerde burqasyn qatty júredi.
Qaraǵandy oblysynyń keı óńirlerinde burqasyn, 17-22 m/s-taǵy jel, túnde kóktaıǵaq kútilýde.
Shyǵys Qazaqstan oblysynda túnde burqasyndatady, jekelegen aýmaqtarda sekýndyna 17-22 metr ekpinmen soǵatyn jeldiń kúshi 25 m/s-qa jetedi.
Almaty men Jambyl oblystarynyń jekelegen aýdandarynda tuman, kóktaıǵaq pen 15-20 m/s-taǵy jel boljanýda.
Ońtústik Qazaqstan oblysynyń keı aýmaqtarynda jel sekýndyna 15-20 metrge deıin kóteriledi.
Al Astanada kún bultty bolady. Túnde aýanyń temperatýrasy -13-15 gradýsty qurap, qar jaýady. Kúndiz azdaǵan qar jaýyp, temperatýra -10-12 gradýsty quramaq. Ońtústik-batystan sekýndyna 9-14 metr kúshpen soǵatyn jeldiń kúshi keı ýaqyttary 15-20 m/s-qa jetedi.
