Búgin Elbasynyń qatysýymen Indýstrııalandyrýdyń І jartyjyldyǵyn qorytyndylaýǵa arnalǵan telekópir ótedi

ASTANA. QazAqparat - Búgin Astanada Memleket basshysy Nursultan Nazarbaevtyń qatysýymen «Qazaqstan Respýblıkasynyń Indýstrıaldy-ınnovatsııalyq damýynyń memlekettik baǵdarlamasy: 2016 jyldyń I jartyjyldyq qorytyndysy» atty keńes ótedi.

Telekópir formatyndaǵy keńes aıasynda ındýstrııalandyrý baǵdarlamasynyń aǵymdaǵy jyldyń birinshi jartyjyldyǵy qorytyndylanady jáne ekinshi besjyldyq baǵdarlamasy aıasyndaǵy birqatar jańa jobalar iske qosylady. Olar:

1. Pavlodar oblysy, Ekibastuz qalasy. «R.W.S. Wheelset» JShS (temirjol biligi men qos dóńgelek shyǵaratyn zaýyt).

2. Pavlodar oblysy, Ekibastuz qalasy. «GreenhouseKZ» JShS (gollandtyq raýshandar ósiretin jylyjaı kesheni).

3.Almaty qalasy, «Efko Almaty» JShS (maı ónimderin shyǵarý kesheni).

4.Astana qalasy, «Ipek Kagit Central Asia» (sanıtarly-gıgıenalyq jáne turmysqa qajet qaǵaz ónimderin óndirý zaýyty).

5.«Petropavl traktor zaýyty» JShS.

6.OQO, Qazyǵurt aýdany, Maılyoshaq aýyly. «Lotus Food Company LLC» JShS (tez ázirlenetin taǵam óndirý zaýyty).

7.Mańǵystaý oblysy, Aqtaý qalasy. «Kazakhstan Pipe Traders» JShS (munaı qubyrlaryn óndirý zaýyty).

8.Batys Qazaqstan oblysy, Aqsaı qalasy. «Kondensat» AQ (motor maılary óndirisi).

Sondaı-aq, ındýstrııalandyrý nátıjesinde  áleýmettik damýyn nyǵaıtqan 3 óńir kórsetiledi. Olar:

1. Jambyl oblysy, Moıynqum aýdany;

2. Aqtóbe oblysy, Hromtaý aýdany;

3.Ońtústik Qazaqstan oblysy, Kentaý monoqalasy.

Sondaı-aq, shara barysynda ındýstrııalandyrýdyń ekinshi besjyldyǵyn júzege asyrýdyń jańa qadamdary tanystyrylady. Bunda birqatar túzetýler bolady dep kútilip otyr.