Búgin el aýmaǵynda kún kúrkirep, ótkinshi jaýyn jaýady
ASTANA. QazAqparat - Qazaqstannyń basym aýmaǵynda atmosferalyq aǵyndardyń ótýine baılanysty aýa raıy qubylyp, kún kúrkirep, ótkinshi jaýyn jaýady, jel kúsheıedi, dep habarlady QR TJM baspasóz qyzmeti Qazgıdrometke silteme jasap.
Tek ońtústik, ońtústik-shyǵys pen ortalyqta jaýyn-shashyn bolmaıdy dep boljanýda. Aqmola, Almaty, Atyraý, Aqtóbe, Pavlodar, Shyǵys Qazaqstan oblystarynda, kúndiz Qostanaı oblystarynyń keı jerlerinde jeldiń ekpini sekýndyna 15-20 metrge deıin jetedi. Mańǵystaý oblysynyń keı jerlerinde jel sekýndyna 15-20 metrge deıin kúsheıip, shań kóteriledi. Soltústik Qazaqstan oblysynyń keı jerlerinde tuman túsedi. Kúndiz Aqmola, Jambyl, Qaraǵandy oblysynyń keı jerlerinde, Almaty, Ońtústik Qazaqstan, Mańǵystaý, Atyraý, Aqtóbe, Qostanaı, Soltústik Qazaqstan oblystarynda kún qatty ysıdy. Ońtústikte, batystyń keı jerlerinde, soltústik-batys, ońtústik-shyǵys pen respýblıkanyń ortalyǵynda joǵary órt qaýipsizdigi saqtalady.
