Búgin Ekibastuzda birqatar kópqabatty jáne jeke úıler ýaqytsha jylýdan ajyratylady
PAVLODAR. QazAqparat - Óshirý jylý jelileriniń buzylýyna baılanysty, dep habarlaıdy QazAqparat Pavlodarnews.kz-ke silteme jasap.
«Ekibastuzteploenergo» JShS habarlaýynsha, aqaý Momyshuly kóshesi, 69 úıge qaraı tartylǵan oramishilik jylý jelisinde oryn alǵan. Zaqymdanǵan qubyrdy jóndeýge birneshe saǵat qajet.
«Osyǵan baılanysty 29 jeltoqsan kúni tańǵy saǵat 9.00-den keshki saǵat 17.00 aralyǵynda kóshedegi kópqabatty turǵyn úılerde jylý berilmeıdi. Naqtylaı aıtqanda, Momyshuly kóshesindegi 65, 67, 69, 71, 73, 79, 81, 83/13, 83a meken-jaılarynda, Naýryz, 16, 160, Momyshuly, 66a, 71, 75a, 756, 79a jeke úılerde, sondaı-aq Momyshuly 83/13, 85/12 zańdy tulǵalar ǵımarattarynda jylý bolmaıdy», - dep jazdy vedomstvodan.
Eske salaıyq, 28 jeltoqsan kúni de Ekibastuz qalasyndaǵy birqatar jer úıge jylý berý toqtatylǵan bolatyn.
