Búgin «Egemen Qazaqstan» gazetinde...
ASTANA. QazAqparat - «QazAqparat» HAA «Egemen Qazaqstan» gazetiniń 20 qarashadaǵy sanynda jarııalanǵan maqalalarǵa sholýdy usynady.
«Egemen Qazaqstannyń» búgingi nómirinda jaryq kórgen mańyzdy materıaldardyń biri - gazettiń ShQO-daǵy menshikti tilshisi Azamat Qasymnyń «Abyralyǵa baratyn kim bar?» dep atalatyn maqalasy. Onda avtor Shyǵys Qazaqstandaǵy buryn aýdan bolǵan Abyraly óńiriniń búgingi jaı-kúıin jan-jaqty saraptap, mańyzdy probelmalarǵa toqtalǵan. Sonymen qatar birinshi bette Prezıdentimiz Nursultan Nazarbaevtyń «Royal Dutch Shell» kontserniniń bas atqarýshy dırektorymen kezdesýi týraly jazylǵan.
Gazettiń «Sport» betinde jýrnalıst Mádına Asylbektiń Beıjiń Olımpıadasynyń kúmis júldegeri Nurbaqyt Teńizbaevpen suhbaty jarııalanǵan. Sonymen qatar bul bette «Medeý» muz aıdynynyń konkı úıretýden tegin sabaqtar jáne kásibı sportshylardyń sport mektebine baryp sheberlik sabaqtar ótkizgeni týraly materıaldy oqı alasyzdar.
Sonymen qatar gazettiń búgingi sanynda «Egemenniń» Qyzylorda oblysyndaǵy menshikti tilshisi Erjan Baıtilestiń «Berekeli Baikonyr Invest» atty kólemdi maqalasymen tanysýǵa bolady. Onda tek atalǵan forým týraly ǵana emes, jalpy óńirdiń damýy týraly málimetter kóptep keltirilgen.
«Álem jáne Qazaqstan» betinen sholýshy Álısultan Qulanbaıdyń «Áskerı polıgonǵa aınalyp barady» atty Aýǵanstan týraly maqalasyn, Suńǵat Álipbaıdyń eýroodaqtyń damý stsenarıleriniń qandaı ekendigi týraly «Eýrazııalyq ıdeıanyń jańa múmkindikteri» atty maqalasyn, gazet tilshisi Abaı Asenkeldiulynyń halyq sany 300 myńnan sál ǵana asatyn Islandııanyń jastardyń problemasymen qalaı kúreskeni týraly «Islandııa jastardyń tilin qalaı tapty?» atty maqalasyn oqı alasyzdar.
Ádettegideı sońǵy bette «Qazaq qashanda qazaq» jobasynyń kezekti shendestirýi jarııalandy. Sonymen qatar gazet tilshisi Maıgúl Sultannyń Dımash Qudaıbergenniń Qytaıda ótetin kontserti týraly qyzyqty maqalasyn oqı alasyzdar.
