Búgin «Egemen Qazaqstan» gazetinde
ASTANA. QazAqparat - «QazAqparat» HAA «Egemen Qazaqstan» gazetiniń 17 qarashadaǵy sanynda jarııalanǵan maqalalarǵa sholýdy usynady.
«Egemen Qazaqstannyń» búgingi nómirinda jaryq kórgen mańyzdy materıaldardyń biri - kúı óneriniń qudireti týraly maqala. Onda qazaqtyń kıeli óneriniń erekshelikteri týraly keńinen jazylǵan. Sondaı-aq, birinshi bette Arnur Asqarovtyń qysqy maýsymǵa daıyndyq jónindegi saraptamasy jaryq kórgen.
Gazettiń áleýmet betinde Qyzylorda oblysy Qarmaqshy aýdany turǵyndarynyń jan-aıqaıy berildi. Onda aýdan turǵyndarynyń geptılden zardap tartyp otyrǵandyǵy jóninde aıtylǵan.
Sonymen qatar, búgingi nómirde ádebıet beti berilgen. Onda Ákim Tarazıdiń «Men keıipkerime aınalamyn» atty maqalasy jarııalandy. Sondaı-aq, osy aıdarda jazýshylardyń ishki syrlary tereńinen berilgen.
Gazettegi taǵy bir qyzyq maqala - «Eskertkish túbindegi áıel» dep atalady. Onda Ǵanı Muratbaevtyń jubaıy jóninde áńgime órbigen. Basylymnyń sońǵy betinde Torǵaı dalasynan tabylǵan zildiń tisi týraly jaǵymdy jańalyq jarııalanǵan.
